დღეს რუსთავის #5 დაწესებულებაში ,,ბათუმელებისა" და ,,ნეთგაზეთის" დამფუძნებელი მზია ამაღლობელი, საიას თავმჯდომარემ ნონა ქურდოვანიძემ მოინახულა. ქურდოვანიძე  მზია ამაღლობლის მიმართ არასათანადო მოპყრობის ფაქტთან დაკავშირებით გამოკითხვის პროცესს დაესწრო,  

საიას ცნობით, მზია ამაღლობელმა დეტალურად მიაწოდა ინფორმაცია სპეციალურ საგამოძიებო სამსახურს პოლიციის განყოფილების ეზოსა და განყოფილების შენობაში მასზე განხორციელებული არასათანადო მოპყრობის ეპიზოდებზე.

"პოლიციის მხრიდან არაადამიანური მოპყრობა გრძელდებოდა შენობაში, სადაც დაკავებულ ჟურნალისტს არ აძლევდნენ წყლის დალევისა და საპირფარეშოთი სარგებლობის უფლებას. 

მისი დაკავების შემდგომ, როდესაც ის გადაჰყავდათ ეზოში, მას ესმოდა გინების ხმა, შეურაცხყოფის ხმა. როგორც შემდგომ მან ამოიცნო, ეს იყო ირაკლი დგებუაძე. ირაკლი დგებუაძეცდილობდა შესულიყო იმ ოთახში, სადაც იმყოფებოდა მზია და ის გამოჰყავდათ ამ აგრესიულიქმედების შემდგომ, ის გამოჰყავდათ გარეთ პოლიციის თანამშრომლებს, თორემ შეიძლებამომხდარიყო ფიზიკური შეურაცხყოფის მიყენებაც. ასევე საუბარია უმძიმეს ფაქტზე, რაცგულისხმობს სახეში შეფურთხებას. 

ასეთი ერთ-ერთი შესვლისას მან სახეში შეაფურთხა მზია ამაღლობელს. ასევე აგინებდა, აყენებდა სიტყვიერ შეურაცხყოფას. არ აძლევდა პოლიციის სხვა თანამშრომლებს წყალიმიეცათ მზია ამაღლობელისთვის, შეზღუდული ჰქონდა წყლის მიღება. ასევე არ აძლევდაშესაძლებლობას, რომ მას ესარგებლა საპირფარეშოთი, ელემენტარული საშუალებებით, რომლითაც უზრუნველყოფილი უნდა იყოს დაკავებული და ეს გაგრძელდა გარკვეული დროისგანმავლობაში, სანამ იქ ადგილზე ისმოდა ირაკლი დგებუაძის ხმა, მანამდე ეს დამოკიდებულება, ეს აგრესიული მიმართვა გრძელდებოდა გარკვეული დროის განმავლობაში,'' - ამბობს ნონაქურდოვანიძე.

საია მოუწოდებს სპეციალურ საგამოძებო სამსახურს დროულად გამოიძიოს მზია ამაღლობელის მიმართ დამამცირებელი მოპყრობის ფაქტი, სათანადო კვალიფიკაციით და დაუყოვნებლივ შეუჩერდეს სამსახურებრივი უფლებამოსილება ბათუმის პოლიციის უფროსს, ირაკლი დგებუაძეს.

#თავისუფლებამზიას

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“