ის, რომ ოპოზიციას გეგმა არ აქვს, დიდი ხანია, ვიცით, ჩვენგანაც ხშირად გაგიგიათ ოპოზიციის კრიტიკა იმის გამო რომ, გეგმა აქამდე იყო წარსადგენი, ქალბატონ სალომესაც ამის გაკეთება თუ უნდოდა, მანამდე, როცა ქარტიას წერდა, მაშინ უნდა ეფიქრა დოკუმენტზე, – ამის შესახებ „გირჩის“ წევრმა, იაგო ხვიჩიამ განაცხადა.

ხვიჩიას თქმით, ოპოზიციისთვის ჩვეულებრივი მოვლენაა ის, რაც ახლა ხდება.

„ჩვენ თავიდანვე ვაფრთხილებდით ქართულ საზოგადოებას, რომ არც ქალბატონი სალომეს ნდობა შეიძლება და არც ამ ოპოზიციის. ამიტომ, ბევრად მეტი უნდა გვეფიქრა მაშინ, როდესაც ნდობას ვუცხადებდით ამ საზოგადოებას. დღევანდელი უგეგმობა და ის, რომ დამალული არიან ფრონტის წინა ხაზიდან, ქართული ოპოზიციისთვის ჩვეულებრივი გასართობია. მოგეხსენებათ, ჩვენ ამ არჩევნების შედეგად ხალხმა არ მოგვცა საკმარისი მანდატი, რათა ჩვენ ამ საქმის წინამძღოლები ვიყოთ, თორემ ეს ამბავი ასე არ დამთავრდებოდა, როგორც ახლანდელი ოპოზიციის პირობებში ხდება. ამიტომ, ჩვენ ჯერჯერობით ვაკვირდებით სიტუაციას, საზოგადოებას ველაპარაკებით. გვინდა, რომ მათი რაოდენობა გავზარდოთ, თორემ, „ნაც-ქოცურ“ პოლიტიკურ პროცესს ჩვენ ვერ შევცვლით, რადგან მოსახლეობის 97%-მა ამ ბრძოლას „ნაცებსა“ და „ქოცებს“ შორის დაუჭირა მხარი. ჩვენ გვაინტერესებს, როგორ მორჩება ხალხის არჩევანი და მერე ჩავერთვებით ამ ბრძოლაში, როდესაც ან საზოგადოება დაინახავს, რომ ასე გაგრძელება არასწორია, ან პოლიტიკოსები დაინახავენ საკუთარი ქმედების არასწორობას“, – განაცხადა ხვიჩიამ.

ავტორი: ექსპრესნიუსი,

სოციალური ქსელები

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია

ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას

სადაზღვევო პროდუქტები თიბისის მობაილბანკში - შენი საუკეთესო ციფრული გამოცდილებისთვის