2024-12-08 11:29:49, 414 ნახვა

---

ადვოკატი - ბექა ყორშიას პოლიციელის კანონიერი მოთხოვნისადმი დაუმორჩილებლობას ედავებიან - ის მსუბუქადაა ნაცემი

ბექას ედავებიან პოლიციელის კანონიერი მოთხოვნისადმი დაუმორჩილებლობას,- ამის შესახებ „მთავარი არხის“ ჟურნალისტ ბექა ყორშიას უფლებადამცველმა, ვიქტორ კვიტატიანმა განაცხადა.

როგორც კვიტატიანმა აღნიშნა, ყორშია წინასწარი დაკავების იზოლატორში გუშინ მოინახულა და ის მსუბუქადაა ნაცემი.

„მე გუშინ მოვინახულე ბექა ყორშია, ვიყავი იზოლატორში შესული. თავდაპირველად შესახლების პროცედურა მიდიოდა ძალიან დიდხანს. დაკავებიდან 4 საათის განმავლობაში პიროვნება უბრალოდ ვერ ვიპოვეთ. მხნედ არის, ძალიან კარგ ხასიათზე არის მინდა აღვნიშნო. მსუბუქად არის ნაცემი. დაცვის უფლებით ვერ სარგებლობდა 4 საათის განმავლობაში, მას ვერ ვპოულობდით არ ვიცოდით მისი ადგილსამყოფელი. ბექასთან მიმართებაში პირველი რაც უნდოდა ეს იყო, რომ ეძებდნენ მის ტელეფონს. მაგრამ არ გაუმართლათ, ბექას ტელეფონი თან არ ჰქონდა, შემდეგ დაიწყეს მის გადაცემებზე ლაპარაკი, რაც დეტალურად იცოდნენ. ბექა დააკავეს მეტროს მიმდებარედ, ნიღბიანი პირები მივარდნენ და დააკავეს. მანქანაში ფიზიკურად გაუსწორდნენ, ოღონდ სხვებთან შედარებით მსუბუქად. ბექას ედავებიან პოლიციელის კანონიერი მოთხოვნისადმი დაუმორჩილებლობას. რაც უსაფუძვლოა“,- განაცხადა ადვოკატმა, ვიქტორ კვიტატიანმა „მთავარ არხთან“.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი