2024-12-02 12:46:25, 373 ნახვა

---

ხაზარაძე - ივანიშვილი უკვე პოლიტიკური ოპონენტების დაჭერაზე გადავიდა და ჰგონია, რომ სამართლიან პროტესტს ასე მოერევა

ივანიშვილი უკვე პოლიტიკური ოპონენტების დაჭერაზე გადავიდა და ჰგონია, რომ სამართლიან პროტესტს ქუჩაში ასე მოერევა,- ამის შესახებ „ძლიერი საქართვველოს“ ლიდერი მამუკა ხაზარაძე სოციალურ ქსელ „ფეისბუქზე“ წერს.

ხაზარაძე „კოალიცია ცვლილებისთვის“ ერთ-ერთ ლიდერს, ზურაბ ჯაფარიძეს, რომელიც აქციაზე დააკავეს, მხარდაჭერას უცხადებს.

„ჩემი მხარდაჭერა ზურაბ ჯაფარიძეს და ყველა დაკავებულ ახალგაზრდას, რომელიც ამ ქვეყნის თავისუფლებისთვის იბრძვის!

ივანიშვილი უკვე პოლიტიკური ოპონენტების დაჭერაზე გადავიდა და ჰგონია, რომ ასე მოერევა სამართლიან პროტესტს ქუჩაში. არაფერი გამოგივათ! ვერავის შეაშინებთ! თქვენი ამბავი დასრულებულია ჩვენ ჩვენი შვილების მომავლისთვის ვიბრძვით!“ - წერს ხაზარაძე.

შეგახსენებთ, დღეს, 2 დეკემბერს თბილისში „კოალიცია ცვლილებისთვის“ ერთ-ერთი ლიდერი ზურაბ ჯაფარიძე დააკავეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი