2024-11-08 10:46:31, 639 ნახვა
ომი უკრაინაში
რუსებმა ხარკოვი დაბომბეს - დაშავდა 25 ადამიანი
რუსებმა ხარკოვი მართვადი ავიაბომბებით დაბომბეს. ამის შესახებ ინფორმაციას "უკრაინსკაია პრავდა" ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.
სინეგუბოვის განცხადებით, დაშავდა 25 ადამიანი, მათ შორის 3 თვის ბიჭი.
"დარტყმები დაფიქსირდა ხარკოვის შევჩენკოვის და სალტოვის რაიონებში. დაზიანდა, სულ მცირე, 6 მაღალსართულიანი კორპუსი, მაღაზიები, სავაჭრო ცენტრი, მანქანები, მეტროსადგურის გასასვლელები. საბედნიეროდ, მსხვერპლი არ ყოფილა",- განაცხადა სინეგუბოვმა.
ავტორი: ექსპრესნიუსი,
epn.ge (@expressnews.ge)
