ციხისძირში "ნაციონალური მოძრაობის" ორი წევრი დააკავეს

2016-02-26 19:46:32, 804 ნახვა

სამართალი

ციხისძირში პოლიცია და "ნაციონალური მოძრაობის" წარმომადგენლები ერთმანეთს დაუპირისპირდნენ. ხმაური სამართალდამცველების მიერ კარვების აღებას მოჰყვა.

პოლიციელებს კარვები გადაჰქონდათ იმ ადგილას, სადაც ხეების გადარგვის სამუშაოები არ მიმდინარეობს.

დაპირისპირებისას"ნაციონალური მოძრაობის" ორი წევრი დააკავეს. მათ ბრალი ადმინისტრაციულ სამართალდარღვევათა კოდექსის 173-ე მუხლით წაუყენეს, რაც სამართალდამცავი ორგანოს თანამშრომლის, სამხედრო მოსამსახურის, სახელმწიფო დაცვის სპეციალური სამსახურის თანამშრომლის, ან აღსრულების პოლიციელის კანონიერი განკარგულებისადმი, ან მოთხოვნისადმი დაუმორჩილებლობა, ან ამ პირის მიმართ სხვა კანონსაწინააღმდეგო ქმედების განხორციელებას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან