დიდმა ბრიტანეთმა რუსეთის „ჩრდილოვანი ფლოტის“ წინააღმდეგ სანქციები დააწესა. ამის შესახებ ინფორმაციას BBC ბრიტანეთის საგარეო საქმეთა სამინისტროს მიერ გავრცელებულ განცხადებაზე დაყრდნობით ავრცელებს.

სამინისტროს ცნობით, 18 რუსული ნავთობტანკერისა და 4 თხევადი ბუნებრივი აირის ტანკერის წინააღმდეგ დაწესდა სანქციები, რაც ყველაზე მსხვილი სანქცია პუტინის "ჩრდილოვანი ფლოტის" წინააღმდეგ.

"ჩრდილოვანი ფლოტი“ მიისწრაფვის სანქციებისთვის ძირის გამოთხრისკენ და წარმოადგენს აშკარა და რეალურ საფრთხეს. ეს არის ეკოლოგიური რისკები, როგორიცაა ნავთობის ჩაღვრა უსაფრთხოების ძირითადი სტანდარტების უხეში დარღვევის შედეგად, ასევე მსოფლიო ვაჭრობის უსაფრთხოებისთვის არსებული რისკები“,- ნათქვამია განცხადებაში.

18  ხომალდს აეკრძალა დიდი ბრიტანეთის პორტებში შესვლა და ბრიტანეთის წამყვან საზღვაო სერვისებზე წვდომა მთელს მსოფლიოში.

სანქციებს დაქვემდებარებული ნავთობტანკერების საერთო რაოდენობამ 43-ს მიაღწია.

აღსანიშნავია, რომ "ჩრდილოვანი ფლოტი" გულისხმობს გემებს, რომლებიც გვერდს უვლიან რუსეთის ნავთობსა და ნავთობპროდუქტებზე დაწესებულ სანქციებს.

ავტორი: ექსპრესნიუსი,

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით