ფრაქცია "ქართული ოცნების" თავმდჯომარის გიორგი ვოლსკის თქმით, გოგი თოფაძის ბოლოდროინდელ განცხადებებთან დაკავშირებით, პოლიტსაბჭოს სხდომა გაიმართება, რომელიც საკმაოდ ხმაურიანი იქნება.

ვოლსკის შეფასებით, გოგი თოფაძის დამოკიდებულება კოალიციისა და მთავრობის პოლიტიკას არ შეესაბამება. თუმცა დეპუტატი აღნიშნავს, რომ კოალიციის დაშლას მხარს არ დაუჭერდა:

"პოლიტსაბჭო შეიკრიბება, ამ საკითხზე იმსჯელებს, იქნება ალბათ ხმაურიანი ცხელი განხილვა, მაგრამ განხილვა საჭიროა, ვინაიდან მრეწველები ამბობენ, რომ ეს არ ეხება კურსს და მათ შეხედულებას საგარეო კურსთან დაკავშირებით. შიდა პრობლემები აქვს მეორე გუნდთან და ეს მეორე გუნდთან პრობლემების საკითხი უნდ გაირჩეს.

რაც შეეხება დამოკიდებულებას, რომელიც ბატონმა გოგიმ გამოხატა, ეს არის დამოკიდებულება, რომელიც არ შეესაბამება მთლაიანდ კოალიციის და მთავრობის პოლიტიკას, დამთავრდა. ამის იქით არაფერი არ არსებობს. მე მაგალითად მხარს არ დავუჭერდი კოალიციის დაშლას არც ერთ შემთხვევაში" -განაცხადა გია ვოლსკიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ