გარემოს დაცვისა და სოფლის მეურნეობის მინისტრი ოთარ შამუგია, გურიის მხარეში სახელმწიფო რწმუნებულთან, გიორგი ურუშაძესთან ერთად, ლანჩხუთის მუნიციპალიტეტში, სოფელ ქვემო აკეთში  მეთხილე ფერმერებს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

სამინისტროს ცნობით,  შეხვედრა კომპანიის “ჯი-ეიჩ-ჯი-ეი კომერშიალ“  თხილის შემნახველ საწარმოში გაიმართა. თანამედროვე სტანდარტებით აღჭურვილ  საწარმოში, ერთდროულად 1 000 ტონამდე თხილის შენახვაა შესაძლებელი.

შეხვედრაზე მეთხილე ფერმერებმა იმ პროგრამების მნიშვნელობაზე ისაუბრეს, რასაც სახელმწიფო მეთხილეობის დარგის განვითარების ხელშეწყობისთვის ახორციელებს.

“წელს მნიშვნელოვნად არის გაუმჯობესებული თხილის ხარისხი, ასევე გაზრდილია რაოდენობაც. ახლა აუცილებელია, რომ თხილის დაბინავება, შენახვა, შრობა მოხდეს შესაბამის პირობებში, რათა შევინარჩუნოთ მაღალი ხარისხი, რაზეც მნიშვნელოვნად არის დამოკიდებული ფერმერების შემოსავალი. მაღალი ხარისხის თხილზე მოთხოვნა დიდია და ფასიც, შესაბამისად, მაღალი“,- აღნიშნა გარემოს დაცვისა და სოფლის მეურნეობის მინისტრმა.

მინისტრის განცხადებით, რეგიონში თხილის მწარმოებლებთან გამართულ შეხვედრებზე მიმდინარე პროცესების გაცნობა არის საფუძველი დარგის განვითრების ხელშეწყობის სამომავლო გეგმების შესამუშავებლად.

გურიის მხარეში სახელმწიფო რწმუნებულის გიორგი ურუშაძის განცხადებით, თხილის წარმოების ხელშეწყობის მხარდამჭერი სახელმწიფო პროგრამის ფარგლებში, თხილის მწარმოებლებმა შეიძინეს ბაღების მოვლისათვის საჭირო საშუალებები, რომელთა მიზნობრივმა  და სწორმა გამოყენებამ დადებითი შედეგი იქონია მოსავლის როგორც ხარისხზე, ისე რაოდენობაზე. 

აღსანიშნავია, რომ სახელმწიფო ბოლო რამდენიმე წელია არაერთ პროგრამას  ახორციელებს  დარგში არსებული გამოწვევების საპასუხოდ და მეთხილე ფერმერების მხარდასაჭერად. თხილის წარმოების ხელშეწყობის პროგრამა მეორე წელია ხორციელდება. პროგრამას  მთელი ქვეყნის მასშტაბით, 96 ათასამდე მოსარგებლე ჰყავს. თხილის კადასტრში რეგისტრირებულია 45 000 ჰექტარზე მეტი თხილის ბაღი.  ფერმერებმა  წელს უკვე  მიიღეს დაახლოებით 21 მლნ ლარის მიზნობრივი დახმარება.

ფერმერებთან შეხვედრას სოფლის განვითარების სააგენტოს დირექტორი დავით წითლიძე და თხილის მწარმოებელთა ასოციაციის აღმასრულებელი საბჭოს თავმჯდომარე მერაბ ჭითანავა ესწრებოდნენ.

ავტორი: NS (სტატია დაფინანსებულია),

სოციალური ქსელები

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში