რუსეთში პალესტინის ადმინისტრაციის ლიდერის, მაჰმუდ აბასის და რუსეთის პრეზიდენტის, ვლადიმერ პუტინის შეხვედრა გაიმართა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ავრცელებს.

მედიის ცნობით, ლიდერებმა შეხვედრაზე ღაზაში არსებული ვითარება განიხილეს.

"ყველასთვის კარგადაა ცნობილი, რომ სამწუხაროდ, რუსეთმა დღეს უნდა გადადოს საკუთარი ინტერესები და დაიცვას საკუთარი ხალხი იარაღით ხელში. მაგრამ ის, რაც ხდება ახლო აღმოსავლეთში, რაც ხდება პალესტინაში, რა თქმა უნდა, შეუმჩნეველი არ რჩება ჩვენი მხრიდან“,- განაცხადა პუტინმა.

როგორც პუტინმა აღნიშნა, რუსეთი პალესტინის "სრულფასოვანი სახელმწიფოს" შექმნას მხარს უჭერს.

თავის მხრივ, აბასმა პუტინს განუცხადა, რომ გაერომ ამერიკის შეერთებული შტატების "ზეწოლის გამო რეზოლუცია არ მიიღო, რომელიც პალესტინელი ხალხის უფლებებს უზრუნველყოფდა". 

აბასმა რუსეთს პალესტინელი ხალხის "ერთ-ერთი ყველაზე ძვირფასი მეგობარი" უწოდა.

შეგახსენებთ, პალესტინის პრეზიდენტი მაჰმუდ აბასი რუსეთში 12 აგვისტოს  ჩავიდა.

ავტორი: ექსპრესნიუსი,

სოციალური ქსელები

სასამართლომ გიგა ავალიანის საქმეზე ბრალდებულები დამნაშავედ ცნო, სასჯელს 2 ივნისს გამოცხადდება

15 წლის მოზარდი, რომელსაც თბილისში ეძებდნენ, გარდაცვლილი იპოვეს

უკრაინამ სევასტოპოლსა და რუსეთის რამდენიმე რეგიონზე სარაკეტო და დრონებით იერიში მიიტანა

ვიდეოს გავრცელების შემდეგ, პროკურატურამ პოლიციელთა სავარაუდო ძალადობაზე გამოძიება დაიწყო