საქართველოს საგარეო საქმეთა მინისტრმა მიხეილ ჯანელიძემ ესტონეთში ვიზიტი დაასრულა.​

საგარეო უწყების ინფორმაციით, 10-11 თებერვალს ესტონეთში პირველი ოფიციალური ვიზიტის ფარგლებში, საგარეო საქმეთა მინისტრმა შეხვედრები გამართა ესტონეთის რესპუბლიკის პრეზიდენტთან,პრემიერ მინისტრთან და საგარეო საქმეთა მინისტრთან. ასევე ესტონეთის პარლამენტის პრეზიდენტთან, პარლამენტის საგარეო ურთიერთობათა კომიტეტის თავმჯდომარესთან  და მეწარმეთა კავშირის დირექტორთა საბჭოს თავმჯდომარესთან.

მიხეილ ჯანელიძემ მონაწილეობა მიიღო საქართველო-ესტონეთის ბიზნეს ფორუმის გახსნის ცერემონიაში. აღსანიშანვია, რომ  საგარეო საქმეთა მინისტრს ვიზიტის ფარგლებში პირველად ახლდა საქართველოს ბიზნეს-დელეგაცია. ბიზნეს ფორუმზე განხილულ იქნა ესტონელი და ქართველი  ბიზენსმენების მიერ საერთო პროქეტების წარმოების პერსპექტივა, საქართველოში ესტონური ბიზნეს ინვესტიციების განხორციელების საკითხები.

ვიზიტის ფარგლებში  მინისტრმა ესტონეთის საგარეო პოლიტიკის ინსტიტუტში წაიკითხა საჯარო ლექცია თემაზე "საქართველოს ევროპული და ევრო-ატლანტიკური ინტეგრაცია". ​

„ჩვენ ვისაუბრეთ მიმდინარე რეფორმებზე, რომლებიც საქართველოში ხორციელდება.  გვაქვს სრული მხარდაჭერა ესტონეთის მხრიდან პრემიერის ინიციატივებისადმი, იმ ოთხ პუნქტიანი გეგმისადმი, რომელიც უნდა განხორციელდეს, რათა შეიქმნას უფრო მეტი შესაძლებლობები ეკონომიკური განვითარებისათვის", - განაცხადა მიხეილ ჯანელიძემ ესტონეთში ვიზიტის შეფასებისას.

მინისტრმა ასევე აღნიშნა, რომ ესტონური მხარიდან გამოითქვა სრული მხარდაჭერა საქართველოს ევროპული და ევროატლანტიკური მისწრაფებებისადმი. ესტონეთი სრულად მხარს უჭერს საქართველოსთან ევროკავშირის ვიზალიბერალიზაციის პროცესს. ესტონურმა მხარემ კიდევ ერთხელ გამოხატა ურყევი მხარდაჭერა საქართველოს ტერიტორიული მთლიანობის მიმართ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს