გერმანელი მსახიობი კრისტიან ოლივერი, 2 შვილთან ერთად, ავიაკატასტროფას ემსხვერპლა. ამის შესახებ ინფორმაციას BBC პოლიციაზე დაყრდნობით ავრცელებს.

როგორც BBC წერს, კერძო თვითმფრინავი კარიბის ზღვაში, სენტ-ვინსენტისა და გრენადინების სანაპიროსთან ახლოს ჩამოვარდა, რის შედეგადაც, პილოტი, კრისტიან ოლივერი და მისი 2 ქალიშვილი - 10 წლის მადიტა და 12 წლის ანიკა დაიღუპნენ.

თვითმფრინავი სენტ-ვინსენტისა და გრენადინების სანაპიროდან სანტა-ლუსიისკენ მიფრინავდა.

ავიაკატასტროფის მიზეზი ამ დროისთვის უცნობია.

ცნობისთვის, კრისტიან ოლივერი 90-იან წლებში გერმანულ სერიალებსა და ფილმებში მონაწილეობდა. 2002-2004 წლებში პოპულარობა სერიალ Cobra 11-ში შესრულებულმა როლმა მოუტანა. მსახიობმა მოგვიანებით კარიერა ამერიკის შეერთებულ შტატებში განაგრძო.

ავტორი: ექსპრესნიუსი,

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის