2023 წლის ნოემბერში სისხლის სამართლებრივი დევნა 2 081 პირის მიმართ დაიწყო, საიდანაც გამოსაცდელი ვადის გასვლამდე დანაშაული 108 პირის მიერაა ჩადენილი, რაც დევნადაწყებულთა 5.2% შეადგენს. აღნიშნულის შესახებ ინფორმაციას სტატისტიკის ეროვნული სამსახური ავრცელებს.

საქსტატის ცნობით, მიმდინარე წლის ნოემბერში დევნის დაწყების ყველაზე მაღალი მაჩვენებელი - 701 შემთხვევა თბილისში დაფიქსირდა, აჭარაში - 230, ხოლო ოკუპირებული აფხაზეთის რეგიონებში 8 შემთხვევა.

საქსტატის ცნობითვე, 2023 წლის ნოემბერში დევნის დაწყების მაჩვენებელი საქართველოს სისხლის სამართლის კოდექსის კონკრეტული მუხლების მიხედვით ასე გადანაწილდა:

• ქურდობა - 320 შემთხვევა;
• მუქარა - 276 შემთხვევა;
• ოჯახური ძალადობა - 218 შემთხვევა;
• ძალადობა - 142 შემთხვევა;
• გაუპატიურება - 16 შემთხვევა;
• გარყვნილი ქმედება - 5 შემთხვევა;
• თაღლითობა - 236 შემთხვევა;
• ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება - 305 შემთხვევა;
• ნარკოტიკული საშუალების შემცველი მცენარის უკანონო დათესვა, მოყვანა ან კულტივირება - 105 შემთხვევა;
• ყალბი დოკუმენტების დამზადება - 40 შემთხვევა.

ამასთან, საქსტატის ინფორმაციით, მიმდინარე წლის ნოემბერში დამამძიმებელ გარემოებაში განზრახ მკვლელობის მუხლით - 4 შემთხვევა, ხოლო მკვლელობის მცდელობის მუხლით 8 შემთხვევა გამოვლინდა, თვითმკვლელობამდე მიყვანის მუხლით კი გამოძიება ერთ შემთხვევაზე დაიწყო.

ავტორი: ექსპრესნიუსი,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს