ისრაელი ღაზას სექტორზე საჰაერო იერიშს განაგრძობს. როგორც სამხედრო სპიკერმა, ჯონათან კონრიკუსმა განაცხადა, ისრაელის თვითმფრინავების სამიზნე "ჰამასის" მიწისქვეშა ქსელია.

მისი თქმით, ღაზას სექტორი უნდა განიხილებოდეს ორ ფენად - ერთი მშვიდობიანი მოსახლეობისთვის მიწის დონეზე და მეორე მიწისქვეშა ფენა "ჰამასისთვის".

"რაც "ჰამასმა" გააკეთა მას შემდეგ, რაც მათ კონტროლი აიღეს თითქმის 20 წლის წინ, იყო გვირაბების ქსელის აშენება ღაზას ქალაქიდან და ღაზას ქალაქის ქვეშ  ხან იუნისამდე და რაფამდე. ჩვენ ვცდილობთ, მივაღწიოთ იმ მეორე ფენას, რომელიც "ჰამასმა" ააგო. ეს არ არის ბუნკერები მოსახლეობისთვის, რომლებზეც წვდომა უნდა ჰქონდეთ ისრაელის თავდასხმის დროს“,- ამბობს სპიკერი.

ცნობისთვის, ისრაელზე თავდასხმის შედეგად დაღუპულთა რიცხვი 1 300-მდე გაიზარდა. დაშავებულია 3 300 ადამიანი, მათ შორის 28 კრიტიკულ მდგომარეობაშია, 350-ის ჯანმრთელობის მდგომარეობა კი მძიმეა. ამ დრომდე უცნობია, "ჰამასის" მიერ ღაზას სექტორში გადაყვანილი, დაახლოებით, 150-მდე მოქალაქის მდგომარეობა.

მსხვერპლთა რიცხვი იზრდება ღაზაშიც. პალესტინის ჯანდაცვის სამინისტროს ცნობით, ღაზას სექტორში ისრაელის იერიშების შედეგად დაღუპულთა რიცხვი 1 200-ია. დაშავებულია 5 339 ადამიანი. გაეროს ცნობით, ღაზაში 338 000-ზე მეტი პირი იძულებით გადაადგილებულია.

ავტორი: ექსპრესნიუსი,

სოციალური ქსელები

ირანული მედია: თეირანსა და ვაშინგტონს შორის შეთანხმება მიღწეული არ არის

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ