თურქეთის ბავშვთა ომბუდსმენი სექსუალური ძალადობის მსხვერპლ ბავშვთა ინტეგრირებული მომსახურების ცენტრში იმყოფებოდა

2023-10-11 11:49:40, 720 ნახვა

საზოგადოება

თურქეთის ომბუდსმენი ბავშვის უფლებების საკითხებში სექსუალური ძალადობის მსხვერპლ ბავშვთა ინტეგრირებული მომსახურების ცენტრში იმყოფებოდა და მისი მუშაობის სპეციფიკას გაეცნო. ამის შესახებ ინფორმაციას საქართველოს ჯანდაცვის სამინისტრო ავრცელებს.

უწყების ცნობით, ჯალილე ოზლემ თუნჩაქს, ჯანდაცვის მინისტრის მოადგილე თამილა ბარკალაიამ ბავშვთა მიმართ ძალადობის წინააღმდეგ, უწყების ხედვა და მიმდინარე პროექტები გააცნო.

"მხარეებმა, ამ კუთხით, დღეს არსებულ გამოწვევებზეც ისაუბრეს.

ბავშვთა ინტეგრირებული მომსახურების ცენტრის საქმიანობის შესახებ, სტუმრებს, დეტალური ინფორმაცია, ტრეფიკინგის და ძალადობის მსხვერპლთა მომსახურების დაწესებულების ხელმძღვანელმა, ინდირა რობაქიძემ გააცნო.

დაწესებულებაში, ერთ სივრცეში, ტარდება საგამოძიებო და საპროცესო მოქმედებები. ასევე, ხორციელდება მსხვერპლი ბავშვებისთვის ფსიქოლოგიურ-სოციალური რეაბილიტაცია.

შეხვედრას თურქეთის დელეგაციასთან ერთად, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორი რუსუდან კოხოძე და გაეროს ბავშვის უფლებათა კომიტეტის ვიცე-პრეზიდენტი სოფიო კილაძე ესწრებოდნენ",- ნათქვამია უწყების ინფორმაციაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),