მცდარია ინფორმაცია, რომ ომის დროს 70 000-მდე უკრაინელი სამხედრო დაიღუპა, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივნმა, ოლექსი დანილოვმა განაცხადა.

მისივე თქმით, რუსეთის მიერ უკრაინაში ფართომასშტაბიანი შეჭრის შემდეგ, უკრაინული მხარე ყოველდღიურად აკვირდება ტერიტორიაზე მიმდინარე პროცესებს და აღნიშნავს, რომ მისთვის გაუგებარია, რატომ ავრცელებენ ჟურნალისტები დეზინფორმაციას უკრაინის დანაკარგების შესახებ.

"დასავლელი ჟურნალისტების მონაცემები იმის შესახებ, რომ სრულმასშტაბიანი ომის დროს 70 000-მდე უკრაინელი სამხედრო დაიღუპა, სიმართლეს არ შეესაბამება. ჩვენი ჯარი სულაც არ არის ამხელა, რომ 70 000 სამხედროს დანაკარგზე ვისაუბროთ.

2022 წლის 24 თებერვლიდან ჩვენ ყოველდღიურად ვადევნებთ თვალს ჩვენს ტერიტორიაზე მიმდინარე ყველა პროცესს. ჩემთვის გაუგებარია, რატომ ავრცელებენ ჟურნალისტები ასეთ დეზინფორმაციას ჩვენი დანაკარგების შესახებ", - განაცხადა დანილოვმა.

ცნობისთვის, 29 აგვისტოს ბრიტანულმა გამოცემა BBC-იმ გაავრცელა ინფორმაცია, რომ ომის ფარგლებში 70 ათასამდე უკრაინელი ჯარისკაცი დაიღუპა, ხოლო 120 ათასი კი დაშავდა.

ავტორი: ექსპრესნიუსი,

სოციალური ქსელები

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო