ამოღებული ყველა ნივთი დაილუქა ადგილზე, კამერების წინ,- ასე უპასუხა შინაგან საქმეთა მინისტრმა, ვახტანგ გომელაურმა ჟურნალისტების შეკითხვას გარდაცვლილი პროგრამისტის, თამარ ბაჩალიაშვილის საქმის შესაძლო გაყალბების შესახებ.

გომელაურის თქმით, ინფორმაცია, რომ თამარ ბაჩალიაშვილის ტელეფონი შემთხვევის ადგილზე გარდაცვალების შემდეგ მიიტანეს და დალუქეს - ტყულია.

„მე მგონია, რომ ეს არასწორი ინფორმაციაა, ყველაფერი კანონიერად გაკეთდა. ყველაფერი გადაღებულია, უწყვეტი კადრებით ვიღებდით ჩვენი სამსახური და საექსპერტო სამსახური. ყველა ადგილზე ამოღებული ნივთი დაილუქა ადგილზე კამერების წინ და გადავცემთ პროკურატურას თუ გადავეცით უკვე აღარ მახსოვს.

არ ვიცი საიდან მოიტანეს ინფორმაცია, რომ ტელეფონი მერე მოიტანეს და დაილუქა არის ტყუილი. ასე, რომ დაველოდოთ პროკურატურას“,- განაცხადა გომელაურმა.

შეგახსენებთ, „შაბათის ფორმულასთან“ ინტერვიუში ყოფილმა გამომძიებელმა, სერგო შუბითიძემ განაცხადა, რომ თამარ ბაჩალიაშვილის საქმესთან დაკავშირებით, ბევრი საეჭვო გარემოებაა.

შუბითიძეს ბაჩალიაშვილის თვითმკვლელობის ვერსიის არ სჯერა და ამბობს, რომ საქმე, შესაძლოა, გაყალბებული იყოს.

ავტორი: ექსპრესნიუსი,

სოციალური ქსელები

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში