2023-04-20 09:52:23, 1809 ნახვა

---

უკრაინის გენშტაბი - ჩვენმა საჰაერო თავდაცვამ რუსების მიერ გაშვებული 21 Shahed-ის დრონი ჩამოაგდო

უკრაინის საჰაერო თავდაცვის ძალებმა წუხელ რუსული ძალების მიერ გაშვებული 21 "შაჰიდის" დრონი ჩამოაგდო. აღნიშნულის შესახებ ინფორმაციას უკრაინის გენშტაბი ავრცელებს.

გენშტაბის ცნობით,  რუსეთმა სულ 26 "შაჰიდის" დრონი ისროლა. ამასთან, უკრაინელმა დამცველებმა მოიგერიეს 55 შეტევა 5 მიმართულებით.

"გასული 24 საათის განმავლობაში მტერმა 3-ჯერ განახორციელა სარაკეტო და 57-ჯერ საჰაერო დარტყმა, მათ შორის 26 დარტყმა "შაჰედ-136" ტიპის უპილოტო საფრენი აპარატებით იყო განხორციელებული, რომელთანაგნ 21 ჩვენმა დამცველებმა გაანადგურეს.

ასევე, რუსმა აგრესორებმა MLRS-დან 69-ჯერ ისროლეს ჩვენი ჯარების პოზიციებზე და დასახლებულ პუნქტებზე. მშვიდობიანი მოსახლეობაში არიან დაღუპულები და დაჭრილები, განადგურდა და დაზიანდა კერძო საცხოვრებელი შენობები და სხვა სამოქალაქო ინფრასტრუქტურა.

უკრაინის მთელ ტერიტორიაზე სარაკეტო და საჰაერო დარტყმების საფრთხე კვლავ მაღალია. მტერი დიდი დანაკარგების ფასად აგრძელებს აგრესიულ ომს. ძირითადი ძალისხმევა მიმართულია შეტევითი ოპერაციების ჩატარებაზე ლიმანის, ბახმუტის, ავდიევკას, მარინკასა და შახტარშკეს მიმართულებით.

ბოლო 24 საათის განმავლობაში, უკრაინის თავდაცვის ძალების ნაწილებმა მოიგერიეს მტრის 55-ზე მეტი შეტევა ფრონტის მითითებულ უბნებზე. უმძიმესი ბრძოლები იმართება ბახმუტისა და მარინკასთვის",- აღნიშნულია გენშტაბის ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი