2023-03-12 18:55:43, 1505 ნახვა

---

გაიდაი - სამხედრო ტექნიკის დანაკარგების გამო, რუსები კრემენაიას მიმართულებით ძველ ტანკებს იყენებენ

სამხედრო ტექნიკის მნიშვნელოვანი დანაკარგების გამო, რუსი ოკუპანტები იძულებული არიან, კრემენაიას მიმართულებით ძველ ტანკებზე გადაინაცვლონ, - ამის შესახებ ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ განაცხადა.

გაიდაის თქმით, ამ ეტაპზე აქტიური ბრძოლები სვატოვო-კუპიანსკის, კრემენაიას, ლიმანისა და ბელოგოროვკას მიმართულებით მიმდინარეობს.

"რუსებს ლუგანსკში რეზერვები, ტექნიკა, საბრძოლო მასალა დაუგროვდათ. ახლა უკრაინის შეიარაღებული ძალების ჯარისკაცები მათ თანდათან ანადგურებენ", - ამბობს გაიდაი. 

მისივე თქმით, ოკუპანტები მუდმივად ცდილობენ უკრაინის თავდაცვის ხაზის გარღვევას, თუმცა ვითარება სტაბილური რჩება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი