ჯო ბაიდენის ადმინისტრაციის წარმომადგენლების შეფასებით, რუსეთის პრეზიდენტმა შესაძლოა პირველად გამოიყენოს ქიმიური იარაღი უკრაინაში, თუ მისი ჯარები გააგრძელებენ ბრძოლის ველზე დამარცხებას. ამის შესახებ ინფორმაციას გამოცემა Politico ავრცელებს. 

Politico-ს ანონიმურობის პირობით, რამდენიმე წყარო უყვება, რომ აშშ-ს ადმინისტრაცია უზრუნველყოფს მოკავშირეების მზადყოფნას, ისევე როგორც ახალი რესურსების მობილიზებას, თუ კი ბირთვული საფრთხე რეალური გახდება. 

გამოცემის წყაროები შეერთებული შტატებისა და თავდაცვის დეპარტამენტის წარმომადგენლები არიან. თუმცა, შეერთებულ შტატების დაზვერვა მიიჩნევს, რომ ასეთი თავდასხმა უკრაინაში ნაკლებად სავარაუდოა..

"ფაქტობრივად, აშშ-ს თავდაცვის დეპარტამენტის ბევრ ოფიციალურ პირს მიაჩნია, რომ საბრძოლო მოქმედებები ზამთრის თვეებში შეწყდება და ვერც ერთი მხარე ვერ შეძლებს მრავალი პოზიციის დაკავებას.

მაგრამ ბრძოლის ველზე დანაკარგების გაგრძელების ან რუსული არმიის სრული დაშლის შემთხვევაში, ზოგიერთი მაღალი თანამდებობის პირი, რომელიც ამ საკითხზე მუშაობს, მივიდნენ დასკვნამდე, რომ მოსკოვმა შეიძლება მიმართოს ქიმიური იარაღის გამოყენებას“, წერს Politico.

სტატიაში ასევე აღნიშნულია, რომ შეერთებულმა შტატებმა დიდი ხანია იცის, რომ რუსეთი ინვესტიციას ახორციელებს ქიმიური იარაღის შესაძლებლობების გაზრდაში. ამერიკელი კონგრესმენის თანაშემწის თქმით, ამ შემოდგომაზე სენატორებს მიაწოდეს ინფორმაცია რუსეთის მიერ ქიმიური იარაღის მარაგებისა და უკრაინაში არსებული საფრთხეების შესახებ.

Politico იუწყება, რომ ბაიდენის ადმინისტრაცია ავითარებს გეგმებს ადრეული გამოვლენის სისტემებისა და ნიღბების წარმოების შესაძლებლობებში, ინვესტიციების გაზრდის მიზნით. 

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა