უკრაინის დედაქალაქ კიევზე რუსული სარაკეტო  თავდასხმის შედეგად დაშავებული ორი ადამიანი საავადმყოფოში გადაიყვანეს, სამაშველო ოპერაცია გრძელდება. ამის შესახებ ინფორმაციას კიევის მერი ვიტალი კლიჩკო ავრცელებს.

მისივე თქმით, დაშავებულების ჯანმრთელობის მდგომარეობა დამაკმაყოფილებელია. შევჩენკოვსკის რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს. 

"მეგობრებო! შევჩენკოს რაიონში მდებარე საცხოვრებელ კორპუსში, რომელსაც რაკეტა მოხვდა, სამძებრო-სამაშველო სამუშაოები გრძელდება. ნანგრევების ქვეშ არიან ადამიანები. ზოგიერთი მაცხოვრებლის ევაკუაცია განხორციელდა, ორი დაშავებული საავადმყოფოში გადაიყვანეს. მაშველები აგრძელებენ მუშაობას, ექიმები მუშაობენ ადგილზე, შევჩენკოს რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს, ის ცოცხალია,“, - განაცხადა კლიჩკომ.

როგორც UNIAN იტყობინება, კიევის მოსახლეობამ რამდენიმე აფეთქების ხმა გაიგო. ამის შესახებ ინფორმაცია მოგვიანებით  დედაქალაქის მერმა ვიტალი კლიჩკომ დაადასტურა . დედაქალაქის შევჩენკოვსკის რაიონი მტრის ცეცხლის ქვეშ მოექცა. საგანგებო სიტუაციების სამსახურმა დაზარალებულთა ვინაობა გამოაცხადა და  მაღალსართულიან კორპუსში გაჩენილი ხანძარი დაადასტურა . შემდგომში ცნობილი გახდა, რომ კიევის რეგიონში ერთი საჰაერო თავდაცვის რაკეტა ჩამოაგდეს . მისი ნარჩენები ერთ-ერთი სოფლის განაპირას დაეცა, არავინ დაშავებულა.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია