ნატოს გენერალურმა მდივანმა იენს სტოლტენბერგმა გაზეთ Bild am Sonntag-თან ინტერვიუში განაცხადა, რომ რუსეთის ომი უკრაინის წინააღმდეგ შესაძლოა რამდენიმე წელი გაგრძელდეს.

„უნდა მოვემზადოთ იმისთვის, რომ ეს შეიძლება წლების განმავლობაში გაგრძელდეს. ჩვენ არ უნდა შევასუსტოთ უკრაინის მხარდაჭერა. მაშინაც კი, თუ ხარჯები მაღალია - არა მხოლოდ სამხედრო მხარდაჭერისთვის, არამედ ენერგიისა და სურსათის ფასების ზრდის გამო“, - განაცხადა ნატოს ხელმძღვანელმა.

სტოლტენბერგმა აღნიშნა, რომ თუ ამ ომის შემდეგ რუსეთის პრეზიდენტი ვლადიმერ პუტინი გადაწყვეტს, რომ მას შეუძლია გააგრძელოს ის, რაც გააკეთა 2008 წელს საქართველოში და 2014 წელს ყირიმში, მაშინ ნატო „ბევრად დიდ ფასს გადაიხდის“.

ბრიტანეთის პრემიერ მინისტრი ბორის ჯონსონი უკრაინაში ვიზიტის შემდეგ The Sunday Times-ისთვის გამოქვეყნებულ სტატიაში დასავლეთის ლიდერებს მოუწოდებს მოემზადონ გაჭიანურებული ომისთვის უკრაინის ჯარების სრულ გამარჯვებამდე. ის ფაქტი, რომ უკრაინა ომის დასრულებამდე შორს არის, ამავე დროს, განაცხადა უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია