უკრაინის პრეზიდენტმა, ვოლოდიმირ ზელენსკიმ განაცხადა, რომ სახელმწიფოს რუსეთისგან გათავისუფლება, მხოლოდ დროის საკითხია. ამის შესახებ სახელმწიფოს მეთაურმა Facebook- ზე გამოქვეყნებულ საღამოს მიმართვაში ისაუბრა.

ზელენსკიმ დასძინა, რომ რუსეთს შეუძლია დახარჯოს უზარმაზარი რესურსები ომის მხარდასაჭერად და მთელი თავისუფალი სამყაროსთვის წინააღმდეგობის გასაწევად. მისი აზრით, რუსეთი მზადაა საკუთარი ქვეყნის გასავითარებლად საჭირო პოტენციალ მეზობლების განადგურებისთვის გამოიყენოს.

„ისტორიის გაკვეთილები კარგად არის ცნობილი. თუ თქვენ აპირებთ ათასი წლის რაიხის აშენებას, წააგებთ. თუ აპირებთ მეზობლების განადგურებას, წააგებთ. თუ გსურთ ძველი იმპერიის აღდგენა, თქვენ წააგებთ. წააგებთ და თუ უკრაინელებს დაუპირისპირდებით, წააგებთ აშკარაა, რომ ყოველდღე - და განსაკუთრებით დღეს, როდესაც ჩვენი წინააღმდეგობის მესამე თვე დაიწყო - უკრაინაში ყველას აწუხებს მშვიდობის საკითხი. როდის დასრულდება ეს ყველაფერი. როდის და რა შეიძლება იყოს უკრაინის გამარჯვება.ამ კითხვაზე არ არსებობს მარტივი პასუხი  როდესაც გამარჯვება იქნება, ყველა იგრძნობს ამას. როცა მშვიდობა მოვა, ყველა დაინახავს. მაგრამ ეს რომ მოხდეს - და უფრო სწრაფად მოხდეს - არ უნდა დაფიქრდეთ, როდის და რა იქნება, ჩვენ ყოველდღე უნდა ვიფიქროთ იმაზე, თუ როგორ გავხადოთ ოკუპანტების ჩვენს მიწაზე ყოფნა კიდევ უფრო აუტანელი“, - აღნიშნა ვოლოდიმირ ზელენსკიმ. 

უკრაინის პრეზიდენტმა ომის პროცესში არსებულ წინსვლაზეც ისაუბრა და აღნიშნა, რომ უკრაინულმა არმიამ 931 დასახლების დეოკუპაცია შეძლო.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა