რუსეთმა უარით უპასუხა გაერო-ს გენერალური მდივნის ანტონიუ გუტიერეშის მოწოდებას, უკრაინაში სააღდგომო დღეების განმავლობაში ჰუმანიტარული პაუზის აღებასთან დაკავშირებით. ამის შესახებ ინფორმაცია გაეროში უკრაინის წარმომადგენელზე სერგეი კისლიცაზე დაყრდნობით გავრცელდა.

გაეროს გენერალურმა მდივანმა, გამოხატა ღრმა შეშფოთება იმის გამო, რომ აღდგომის დღესასწაული ემთხვევა რუსული ჯარების წინსვლას აღმოსავლეთ უკრაინაში. მან ოთხდღიანი „ჰუმანიტარული პაუზისკენ" მოუწოდა ხუთშაბათიდან მართლმადიდებლური აღდგომის კვირამდე. 

„ახალი სიცოცხლის აღორძინების აღნიშვნის ნაცვლად, ეს აღდგომა ემთხვევა რუსეთის შეტევას აღმოსავლეთ უკრაინაში. ძალების და სამხედრო ტექნიკის ინტენსიური კონცენტრაცია იმაზე მეტყველებს, რომ მომავალი ბრძოლა აუცილებლად იქნება კიდევ უფრო სასტიკი, სისხლიანი და დესტრუქციული. დანაკარგები, რაც აქამდე ვნახეთ, შეიძლება არაფერი იყოს მომავალ საშინელებასთან შედარებით. ამის დაშვება არ შეიძლება,“ - განაცხადა გაეროს გენერალურმა მდივანმა. 

 გაეროს შეფასებით, 12 მილიონზე მეტ ადამიანს ესაჭიროება ჰუმანიტარული დახმარება. აქედან მესამედზე მეტი მარიუპოლში, ხერსონში, დონეცკსა და ლუგანსკშია. ორგანიზაციის მოლოდინით, ეს მაჩვენებელი 15,7 მილიონამდე გაიზრდება, რაც ქვეყანაში დარჩენილი უკრაინელების დაახლოებით 40 პროცენტია.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა