|
2021-06-30 16:57:00, 729 ნახვა
ეკონომიკა
ნათია თურნავა - ეკონომიკის აღდგენის პროცესი აღმავალი ტემპით მიმდინარეობს
მარტიდან მოყოლებული ეკონომიკის აღდგენის პროცესი აღმავალი ტემპით მიმდინარეობს და ამას მოწმობს მაისის მაღალი ეკონომიკური ზრდა, რომელმაც 25,8% შეადგინა, - ამის შესახებ ეკონომიკისა და მდგრადი განვითარების მინისტრმა ნათია თურნავამ საქსტატის მიერ მაისის ეკონომიკური ზრდის მონაცემების გამოქვეყნების შეფასებისას განაცხადა. მინისტრის თქმით, ბოლო თვეებია ეკონომიკური ზრდის თვალსაზრისით მართლაც უპრეცედენტო ორნიშნა ზრდა გვიფიქსრდება. „ამ ზრდის ძირითადი მამოძრავებელი პრაქტიკულად ყველა ინდუსტრიაში არსებული პოზიტიური დინამიკაა. თუმცა, ძირითადი მაინც ტურიზმი, განთავსების და რესტორნების ინდუსტრია, საბითუმო და საცალო ვაჭრობაა და რაც ყველაზე მნიშვნელოვანია, ეს არის გადამამუშავებელი ინდუსტრია, წარმოება, რომელმაც ძალიან მაღალი კონკურენტუნარიანობა შეიძინა. ძალიან გვახარებს ეს ტემპი, ვინაიდან ეს არის რეალური მწარმოებელი ეკონომიკის ნაწილი, სადაც დასაქმების ყველაზე მაღალი მაჩვენებელია. მნიშვნელოვანია ასევე, რომ ზრდა არის არა მხოლოდ 2020 წლის მაისთან შედარებით, რომელიც მართლაც დაბალ ნიშნულზე იყო პანდემიის გამო, არამედ თუ შევადარებთ 2019 წლის მაისს, როდესაც ეკონომიკა იყო საკმაოდ მაღალ ნიშნულზე, იმასთან შედარებითაც კი, წლევანდელი მაისის მონაცემით, ეკონომიკური ზრდა თითქმის 9%-ით არის მომატებული", - აღნიშნა ნათია თურნავამ. შეგახსენებთ, რომ მარტში პანდემიით გამოწვეული რეცესიის ერთწლიანი პერიოდის შემდგომ, ეკონომიკური აქტივობის დონის ცვლილების რეალური მაჩვენებელი პირველად იყო დადებითი და 4.0 პროცენტს უტოლდებოდა, ხოლო აპრილში უპრეცენდენტო, 44.8 პროცენტიანი ზრდა დაფიქსირდა. შესაბამისად, მაისში დაფიქსირებული ეკონომიკური ზრდის ფონზე იანვარ-მაისის კუმულატიური ზრდის ტემპმა 11.5 პროცენტი შეადგინა. აღსანიშნავია, რომ იანვარ-მაისში დაფიქსირებული ეკონომიკური ზრდის მაჩვენებელი მოსალოდნელზე მაღალია და აჭარბებს როგორც მთავრობის, ასევე საერთაშორისო საფინანსო ინსტიტუტების პროგნოზებს.
Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ
საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე
ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს
პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა
|
რედაქტორის რჩევით
რატომ უნდა ივანიშვილი-კობახიძის დუეტს მოსახლეობის უფრო მეტად გაღატაკება
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
ომი უკრაინაში
უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა
დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს
ვიდეო/LIVE პატრიარქის ილია მეორის დაკრძალვა - პირდაპირი
თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება
დღის თემა
|


ავტორი: NS (სტატია დაფინანსებულია),



epn.ge (@expressnews.ge)