გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა აჭარაში უკანონო ტყითსარგებლობის 11 ფაქტი გამოავლინეს.

სამართალდარღვევებიდან, 2 ფაქტი უკანონო სახერხი საამქროების გამოვლენას უკავშირდება. ხულოს მუნიციპალიტეტის სოფელ დანისპარაულში და შუახევის მუნიციპალიტეტის სოფელ ბრილში, მოქალაქეებს, საცხოვრებელი სახლის მიმდებარედ და საკარმიდამო ნაკვეთში, ლენტური ტიპის სახერხი დანადგარები ჰქონდათ მოწყობილი. დეპარტამენტის აჭარისა და გურიის რეგიონული სამმართველოს თანამშრომლებმა, სახერხი საამქროები დალუქეს.

ვინაიდან ორივე ფაქტი სისხლის სამართლის დანაშაულის ნიშნებს შეიცავს, მასალები შემდგომი რეაგირების მიზნით შესაბამის უწყებებში გადაიგზავნა.

9 სამართალდარღვევა კი, ხე-ტყის უკანონო ტრანსპორტირების ფაქტებია:

შუახევის მუნიციპალიტეტის სოფელ შუბანში (გუზლიეთი) და ხულოს მუნიციპალიტეტის სოფელ ბაკიბაკოში, მოქალაქეებმა, ჯამში 5 ერთეული წიწვოვანი და წიფლის სახეობის მორის უკანონო ტრანსპორტირება მოახდინეს.

ხულოს მუნიციპალიტეტში კი, მოქალაქეებმა, ერთ-ერთი სატყეო უბნიდან, უკანონოდ, ტრანსპორტირების წესების დარღვევით გამოიტანეს, წიფლის სახეობის 32 ერთეული და წიწვოვანი სახეობის 11 ერთეული მორი. 

ჯამში ამოღებულია 48 ერთეული წიწვოვანი და წიფლის სახეობის მორი.

აჭარისა და გურიის რეგიონული სამმართველოს თანამშრომლებმა სამართალდამრღვევების მიმართ, ადმინისტრაციულ სამართალდარღვევათა შესახებ ოქმები შეადგინეს. სამართალდარღვევის შედეგად გარემოსთვის მიყენებული ზიანის დაანგარიშების შემდეგ კი, რამდენიმე ფაქტის შემთხვევაში, სისხლის სამართლის დანაშაულის ნიშნები გამოიკვეთა.

მასალები, შემდგომი რეაგირების მიზნით, შესაბამის უწყებებში გადაიგზავნება.

ავტორი: NS (სტატია დაფინანსებულია),

სოციალური ქსელები

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები

ზელენსკიმ კიევში დარტყმის ადგილები მოინახულა

მეუფე დანიელი - ჩვენი დიდი სურვილია, რომ ქვეყანაში დასრულდეს ურთიერთდაპირისპირება