2021-01-23 14:58:18, 933 ნახვა

---

რუსეთის მასშტაბით ალექსეი ნავალნის გათავისუფლების მოთხოვნით გამართულ აქციებზე 360-მდე ადამიანი დააკავეს

OVD-Info-ის ბოლო მონაცემებით, რუსეთის მასშტაბით რუსი ოპოზიციონერის, ალექსეი ნავალნის გათავისუფლების მოთხოვნით გამართულ აქციებზე 360-მდე ადამიანი დააკავეს.

აღნიშნულის შესახებ იფორმაციას „ბიბისი“ ავრცელებს. მათივე ინფორმაციით, ფიჭური კომუნიკაცია მოსკოვის ცენტრში ძალიან ცუდად მუშაობს, რის გამოც ინფორმაციის გადაცემა რთულდება.

შეგახსენებთ, რომ დღეს რუსი ოპოზიციონერის, ალექსეი ნავალნის გათავისუფლების მოთხოვნით რუსეთის 90-ზე მეტ ქალაქში საპროტესტო აქციები გაიმართება. მედიის ინფორმაციით, რუსეთი გარდა აქციები დაანონსებულია პარიზში, ბერლინში, რომში, მადრიდში, ლისაბონში, ამსტერდამი, ჰელსინკში, პრაღაში, ვარშავაში, თელ-ავივში, ვაშინგტონში, ნიუ იორკსა და ლოს ანჯელესში.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი