ევროპის რიგ ქვეყნებში, კორონავირუსის გამო დაწესებული შეზღუდვების შემსუბუქების პერიოდი იწყება. 

აღნიშულ ქვეყნებს შორისაა საფრანგეთი. ქვეყნის პრეზიდენტმა ემანუელ მაკრონმა განაცხადა, რომ მოქალაქეების ძალისხმევით, მოხერხდა ვირუსის გავრცელების შენელება.

​ქვეყანაში 28 ნოემბრიდან მაღაზიების გახსნა იგეგმება. 15 დეკემბრიდან გაუქმდება ქვეყანაში გადაადგილებაზე დაწესებული შეზღუდვა, თუმცა საღამოს 9 საათიდან დილის 7 საათამდე იმოქმედებს კომენდატის საათი.

​„დღეს მე მოგმართავთ თქვენ, რათა გითხრათ, რომ ჩვენ არ უნდა დავიშუროთ შემდგომი ძალისხმევა. რა არის ჩვენი მიზანი? სიცოცხლის გადარჩენა, პანდემიის კონტროლი, თუმცა ამავდროულად ზრუნვა მოქალაქეებზე არანაკლები მეთოდებით, როგორიცაა თვითიზოლაცია და უკიდურეს შემთხვევაში, ჩვენ გამოვაცხადებთ მხარდაჭერას მოსახლეობისთვის ეკონომიკური კუთხით - განათლება, კულტურა, სპორტი, ხელოვნება, გავაგრძელებთ ცხოვრებას ფრანგულად“, - განაცხადა მაკრონმა.

​კორონავირუსის გამო დაწესებული შეზღუდვების მოხსნაზე ბრიტანეთშიც ალაპარაკდნენ. 15 დეკემბრიდან ქვეყანაში ტესტირების ახალი სისტემა დაიწყებს მოქმედებას. ამასთანავე, სავალდებულო თვითიზოლაციის დრო 15 დღიდან 5 დღემდე შემცირდება, იმ შემთხვეავში თუ კორონავირუსზე გაკეთებული ტესტი უარყოფითი იქნება.

იტალიაში კი, კორონავირუსის მეორე ტალღის მორიგი ანტირეკორდი ფიქსირდება - ბოლო 24 საათის განმავლობაში, კოვიდ19-ს 853 პირი ემსხვერპლა. ქვეყნის ხელისუფლება ამზადებს სამოქმედო გეგმას საშობაო პერიოდისთვის, რათა დღესასწაულის შემდეგ ქვეყანაში კოვიდ19-ის მესამე ტალღა არ დადგეს.

თუმცა შვედეთში, სადაც კორონავირუსის მზარდი დინამიკაა, ვირუსის გამო დაწესებული შეზღუდვების გამკაცრებაზე მსჯელობენ. სამშაბათიდან დაუშვებელი იქნება 8 მოქალაქეზე მეტის თავშეყრა, დაკრძალვებზე დაშვებული იქნება მხოლოდ 20 ადამიანი. კორონავირუსის მზარდი დინამიკა, ბოლო პერიოდში, შვედეთის ყველა რეგიონში ფიქსირდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო