მთავრობამ ბიზნეს სექტორის წარმომადგენლებთან შეხვედრაზე სავაჭრო ცენტრების, მაღაზიებისა და ბაზრობის დახურვა განიხილა.

სექტორის ერთ-ერთმა წარმომადგენელმა განაცხადა, რომ კონკრეტული გადაწყვეტილება ჯერ არ მიღებულა.

„კარგი შეხვედრა იყო. საკმაოდ დეტალურად განვიხილეთ შეზღუდვების ამბავი. ჯერჯერობით ვერ შევთანხმდით. სავაჭრო ცენტრების დაკეტვა, მაღაზიების დაკეტვა, ბაზრობის დაკეტვა - ეს არის განხილვის საგანი. საბოლოო გადაწყვეტილება არ მიგვიღია“, - განაცხადა ერთ-ერთი სავაჭრო ბიზნესის წარმომადგენელმა.

მთავრობის ადმინისტრაციაში აცხადებენ, რომ მთავრობა წერტილოვანი შეზღუდვების გაფართოებას გეგმავს.

„არსებული ეპიდემიოლოგიური ფონის გათვალისწინებით, ბიზნესსა და ეკონომიკაზე ზიანის მაქსიმალურად შემცირების გზით, შესაძლო წერტილოვანი შეზღუდვების დაწესება და ბიზნესის მხარდასაჭერი დამატებითი ღონისძიებები იყო ის საკითხები, რაზეც პრემიერ-მინისტრის დავალებით, მთავრობის ეკონომიკურმა გუნდმა, ვიცე-პრემიერ მაია ცქიტიშვილის ხელმძღვანელობით დღეს სავაჭრო ცენტრებისა და მსხვილი ქსელური მაღაზიების წარმომადგენლებთან შეხვედრისას განიხილა.

მთავრობის ადმინისტრაციაში გამართულ შეხვედრაზე აღინიშნა, რომ ვირუსის კიდევ უფრო მეტად გავრცელების შესაკავებლად მნიშვნელოვანია მობილობის დაწევა, რისთვისაც ეპიდემიოლოგების რეკომენდაციების შესაბამისად, მთავრობა წერტილოვანი შეზღუდვების გაფართოებას გეგმავს, რაც ბიზნესთან მჭიდრო კომუნიკაციის შედეგად იგეგმება“, - განაცხადეს მთავრობის ადმინისტრაციაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო