კამპანია  „დავასუფთაოთ საქართველო“ ლისის ტბის მიმდებარე ტერიტორიიდან დაიწყო  და სამი დღის განმავლობაში ქვემო ფონიჭალასა   და კრწანისის ტერიტორიებზე გაგრძელდება. 

ამის შესახებ „ექსპრესნიუსს“ გარემოს დაცვის სამინისტროდან აცნობეს.

მათივე ინფორმაციით, დასუფთავების მასშტაბურ აქციაში გარემოსა და ბუნებრივი რესურსების დაცვის მინისტრმა გიგლა აგულაშვილმა თავად მიიღო მონაწილეობა.

2015 წელს ,,დავასუფთაოთ მსოფლიო“ კამპანიის პარალელურად საქართველოში, მეექვსედ ტარდება

,,დავასუფთაოთ საქართველო“ კამპანია, რომელიც  საქართველოს ყველა თვითმმართველ ქალაქსა და მუნიციპალიტეტებს მოიცავს. დღევანდელ დასუფთავების აქციას თბილისის მერიის, თავდაცვის სამინისტროს, მყარი მართვის კომპანიის თანამშრომლები და მოხალისეები შემოუერთდნენ.

18-19-20 სექტემბერს, მსოფლიოს მრავალ ქვეყანაში ტარდება დასუფთავების ყოველწლიური საერთაშორისო კამპანია – ,,დავასუფთაოთ მსოფლიო“ (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით და ადგილობრივი გარემოს გაუმჯობესების მიზნით, აერთიანებს მთელი რიგი ქვეყნების ხელისუფლებისა და ბიზნეს-სექტორის წარმომადგენლებს, საზოგადოებრივ ორგანიზაციებს, სასწავლო დაწესებულებებს და ცალკეულ პირებს ფართომასშტაბიანი დასუფთავების აქციებისა და შესაბამისი პროგრამების განხორციელებისათვის.  კამპანიაში 134  ქვეყანა მონაწილეობს. საქართველო მსოფლიო კამპანიას 2010 წელს  შეუერთდა და რიგით 121-ე ქყვეყანაა, რომელიც დატანილია  მსოფლიო გარემოსდაცვით რუკაზე.  წელს მსოფლიო კამპანიის მოწოდებაა - ჩვენი ქვეყანა... ჩვენი პლანეტა... ჩვენი პასუხისმგებლობაა.

აქცია „დავასუფთაოთ მსოფლიო - დავასუფთაოთ საქართველო“  ტარდება პროექტის - ,,დავასუფთაოთ საქართველო -საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში“  ფარგლებში, რომელსაც გარემოსა და ბუნებრივი რესურსების დაცვის სამინიტროს მხარდაჭერით ახორციელებს არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა დედამიწის მეგობრები/საქართველო,  საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“, შვედეთის მთავრობის ფინანსური უზრუნველყოფით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე