დღეს სოფელ ზემო ხანდაკში ეროვნული გვარდიის კასპის ბატალიონის პირველი მეთაურის, კასპის მუნიციპალიტეტის ყოფილი გამგებლის, პოლკოვნიკ ტარიელ შარიფაშვილის გარდაცვალების დღე აღინიშნა.

პოლკოვნიკის ბიუსტთან და საფლავთან, რომელიც 1993 წლის 25 სექტემბერს 33 წლის ასაკში სოხუმის დაცვისათვის აფხაზეთში გმირულად დაიღუპა შიდა ქართლის მხარის ადმინისტრაციის და კასპის მუნიციპალიტეტის ხელმძღვანელები, ეროვნული გვარდიის და ვეტერანების საქმეთა სახელმწიფო სამსახურის წარმომადგენლები, თანამებრძოლები, მეგობრები შეიკრიბნენ და პატივი მიაგეს მის ხსოვნას.

საქართველოს თავდაცვის ყოფილმა მინისტრმა, გენერალმა გიორგი ყარყარაშვილმა გაიხსენა ბრძოლის ეპიზოდები - ბრძოლაში იყო უშიშარი და თანამებრძოლებისთვის საუკეთესო მაგალითის მიმცემი.

საქართველოს მთავრობამ სამშობლოს თავისუფლებისათვის დაღუპული გმირი გარდაცვალების შემდეგ, ვახტანგ გორგასლის სახელობის I ხარისხის ორდენით დააჯილდოვა. ტარიელ შარიფაშვილის სახელი ეწოდა მშობლიური სოფლის ზემო ხანდაკის საჯარო სკოლას. სოფლის ცენტრში მოეწყო მისი სახელობის სკვერი, სადაც განთავსებულია მისი ბიუსტი. ტარიელ შარიფაშვილის სახელობის ქუჩაა ქალაქ კასპშიც.

2019 წელს კასპის მუნიციპალტეტის მერიამ დააწესა ტარიელ შარიფაშვილის სახელობის სტიპენდია, რომელსაც მუნიციპალიტეტში მცხოვრები წარჩინებული სტუდენტები იღებენ.

ავტორი: NS (სტატია დაფინანსებულია),

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები