ქვეყანაში ნორმალური ცხოვრება უნდა აღდგეს, მათ შორის სასწავლო პროცესიც, - ამის შესახებ პრემიერ-მინისტრმა გიორგი გახარიამ განაცხადა.

მისი თქმით, ბავშვები, განსაკუთრებით კი დაწყებითი კლასის მოსწავლეები, სასწავლო კლასებში უნდა დაბრუნდნენ.

„ამასთან ერთად მინდა გითხრათ, რომ ნებისმიერი შეზღუდვა რომელიც თეორიულად შეიძლება იყოს დაწესებული იქნება მხოლოდ და მხოლოდ მიზნობრივი და ლოკალური ეს არ იქნება სისტემური შეზღუდვები ქვეყნის მასშტაბით. ვერ დაწესდება შეზღუდვები ისეთი მიმართულებით როგორიცაა ეკონომიკა, განათლება ან თუნდაც პოლიტიკური და საარჩევნო პროცესი.

დღეს ჩვენ გვექნება კორონავირუსის საბჭო, სადაც განვიხილავთ იმ ეტაპებს, რომლითაც დავიწყებთ სასწავლო პროცესის აღდგენას ქვეყანაში, რამეთუ რისკების გათვალისწინებით წერტილოვანი შეზღუდვებით, მაგრამ ქვეყანაში ნორმალური ცხოვრება უნდა დაბრუნდეს, მათ შორის სასწავლო პროცესიც უნდა აღდგეს და ბავშვები განსაკუთრებით დაწყებითი კლასის მოსწავლეები სასწავლო კლასებში უნდა დაბრუნდნენ“, - განაცხადა პრემიერმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T