IPSOS-ის კვლევაში, ისევე როგორც მანამდე სხვა კვლევებში, მათ შორის „ედისონ რისერჩის“, IRI-სა და NDI- ს კვლევებში, ჩანს, რომ ვარდება „ქართული ოცნების“ რეიტინგი, - ამის შესახებ „ევროპული საქართველოს“ წევრმა სერგი კაპანაძემ განაცხადა.

მისი თქმით, „ქართული ოცნება“ ჩაფლავებული მთავრობაა, რომელმაც ვერც ერთ გამოწვევას თავი ვერ გაართვა.

„IPSOS-ის კვლევაში, ისევე როგორც მანამდე სხვა კვლევებში, მათ შორის „ედისონ რისერჩის“, IRI-სა და NDI- ს კვლევებში, ჩანს, რომ ვარდება „ქართული ოცნების“ რეიტინგი და ესაა აბსოლუტურად გასაგები, რადგან ეს ჩაფლავებული მთავრობაა, რომელმაც ვერც ერთ გამოწვევას თავი ვერ გაართვა. ასევე ჩანს ის, რომ მოსახლეობის ძალიან დიდი ნაწილი, 60%-ზე მეტი, ითხოვს ცვლილებებს და ითხოვს, რომ ეს არასწორი მიმართულება შეიცვალოს და ესეც ძალიან ნათელია. ამიტომ, ძალიან მარტივი რამ მოხდება ამ არჩევნებზე, დამარცხება „ქართული ოცნება“ და გაიმარჯვებენ ის ძალები და პირველ რიგში, ასეთია „ევროპული საქართველო“, რომელსაც რეალური გეგმა აქვს როგორ მოხდეს ცვლილებები და რა დაკვეთაც არის საზოგადოებაში, რომ გარდამტეხი ცვლილებები იყოს და შეიცვალოს ეს ჭაობი, ასეთ ცვლილებებს სთავაზობს „ევროპული საქართველო“ საზოგადოებას“, - განაცხადა სერგი კაპანაძემ. 

შეგახსენებთ, რომ IPSOS-ის კვლევის შედეგების მიხედვით, გამოკითხულთა 25 % „ქართულ ოცნებას“ მისცემდა ხმას, „ნაცონალურ მოძრაობას“ - 15,5 %, ხოლო „ევროპულ საქართველოს“ - 5 %.

ავტორი: ექსპრესნიუსი,

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T