კორონავირუსის 57 ახალი შემთხვევიდან 5 „დონას“ კლასტერია, 5 მედპერსონალია, 8-ის ინფიცირების წყარო კი, უცნობია, - ამის შესახებ თბილისის ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.

მისი თქმით, 14 პაციენტის წყარო ბათუმს უკავშირდება, 18 პაციენტის წყარო დადასტურებულ შემთხვევასთან კონტაქტია, 4-ს აჭარაში მოგზაურობის ისტორია აქვს, 3 კი შემოტანილი შემთხვევაა.

 „57 ახალი დადასტურებული შემთხვევა გახლავთ. ახალი დადასტურებული შემთხვევების განაწილება შემდეგნაირია: 5-ის წყარო არის „დონა“, 14 პაციენტის წყარო გახლავთ ბათუმი, 18 პაციენტის წყარო გახლავთ დადასტურებულ შემთხვევასთან კონტაქტი, 4-ს აჭარაში მოგზაურობის ისტორია აქვს, 3 არის შემოტანილი შემთხვევა და აქედან ორი სატვირთოს მძღოლია, 5 სამედიცინო პერსონალია და 8 პაციენტზე გრძელდება ეპიდკვლევა წყაროს მოძიების მიზნით.

კოვიდცენტრებში ამ ეტაპზე 469 პაციენტი მკურნალობს“, - განაცხადა ეზუგბაიამ.

შეგახსენებთ, რომ საქართველოში დღეს კორონავირუსის რეკორდული მაჩვენებელი, 57 ახალი შემთხვევა გამოვლინდა. რაც შეეხება გამოჯანმრთელებულთა რაოდენობას ის 8-ით გაიზარდა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“