2015-09-02 14:36:05, 577 ნახვა
საზოგადოება
15 სექტემბრისთვის ვაკე-საბურთალოს დამაკავშირებელი ახალი გზა ნაწილობრივ გაიხსნება
თბილისის მერის დავით ნარმანიას განცხადებით, ვაკე-საბურთალოს დამაკავშირებელი გზა 15 სექტემბრისთვის ნაწილობრივ გაიხსნება.
ამის შესახებ ნარმანიამ ჟურნალისტებს განუცხადა.
„15 სექტემბრისთვის კონტრაქტორ კომპანიასთან შეთანხმებული გეგმის მიხედვით გაიხსნება თამარაშვილიდან გამომავალი გზა, რომელიც პოლიციის შენობის გავლით ერთი მხრივ ვაკეს, მეორე მხრივ კი საბურთალოს დაუკავშირდება“,-განაცხადა ნარმანიამ.
ნარმანიას განმარტებით, ასევე გაიხსნება გმირთა მოედნისა და თამარაშვილის დამაკავშირებელი გზები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
