ვანის მუნიციპალიტეტში განთავსებული საკონტროლო ბლოკ-პოსტები მოიხსნება, - ამის შესახებ იმერეთში სახელმწიფო რწმუნებულმა, ზვიად შალამბერიძემ განაცხადა.

როგორც მან აღნიშნა, ხელისუფლების დროული და კოორდინირებული მოქმედებით ვანში ვირუსის გავრცელების კუთხით საფრთხე აღარ არსებობს.

„გადაწყდა, რომ ვანში მოიხსნება ბლოკ-პოსტები. როგორც იცით, ვანი არ იყო ისე ჩაკეტილი და საკარანტინო ზონად გამოცხადებული, როგორც ლენტეხი და ხიდისყური და შესაბამისად, ეს ორი ბლოკ-პოსტი, რომელიც შესასვლელ-გასასვლელში იყო, უკვე მოიხსნება.

საფრთხე შეიძლება ითქვას, რომ აღარ არსებობს, რადგან მაშინვე მოვახდინეთ ყველა კონტაქტის კვლევა და გამოვლინდა კიდევ შემთხვევები. ამის მერე გავიდა უკვე შესაბამისი პერიოდი, რის შედეგადაც ჩვენმა ეპიდემიოლოგებმა ეს გადაწყვეტილება მიიღეს“, - განაცხადა შალამბერიძემ.

შეგახსენებთ, რომ საგუშაგოები ვანში, მუნიციპალიტეტის შესასვლელსა და გამოსასვლელში 8 აპრილიდან იყო განთავსებული.

ავტორი: ექსპრესნიუსი,

სოციალური ქსელები

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T

თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება

დამოუკიდებლობა შენი გადაწყვეტილებაა -თიბისი - 33 წელი დამოუკიდებელ საქართველოსთან ერთად

ინტენსიურმა წვიმამ დედაქალაქის სხვადასხვა რაიონში გარკვეული პრობლემები შექმნა