რაჭა-ლეჩხუმისა და ქვემო სვანეთის რწმუნებული - ჩვენთან მსუბუქი ავტომობიის გადაადგილებასთან დაკავშირებული შეზღუდვები არ მოხსნილა

2020-04-22 11:56:15, 1254 ნახვა

კომენტარი

რაჭა-ლეჩხუმსა და ქვემო სვანეთში სახელმწიფო რწმუნებულმა, არჩილ ჯაფარიძემ განაცხადა, რომ რაჭა-ლეჩხუმსა და ქვემო სვანეთში საგაზაფხულო სამუშაოების დროულად ჩატარების პრობლემა არავის არ ექნება.

მანვე განმარტა, რომ მათთან არსებული რეალობიდან გამომდინარე, მსუბუქი ავტომობიის გადაადგილებასთან დაკავშირებული შეზღუდვები არ მოხსნილა,

მათ საჭიროებისამებრ უკავშირდებიან მსხვილი ფერმერები და ინდივიდუალურად ეძლევათ გადაადგილების საშუალება.

„ჩვენი რეალობიდან გამომდინარე, შეზღუდვები არ მოხსნილა, საჭიროებისამებრ გვიკავშირდებიან მსხვილი ფერმერები და ინდივიდუალურად ეძლევათ გადაადგილების საშუალება. კახეთში სხვა მოცემულობაა, რაჭაში მაგალითად, აბსოლუტურად - სხვა. აქ შორ მანძილზე არ უწევთ გადაადგილება, აქ მოსახლეობას თავიანთი ვენახები და საკარმიდამო ნაკვეთები ახლოს აქვთ. ჩვენთან საგაზაფხულო სამუშაოების დროულად ჩატარების პრობლემა არავის არ ექნება. აქედან გამომდინარე, ჩვენ ამ კუთხით შეღავათები არ დაგვიწესებია, რადგან ამის აუცილებლობას ვერ ვხედავთ“, - განაცხადა არჩილ ჯაფარიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან