2020-04-21 17:37:51, 1209 ნახვა

---

24 აპრილს, მთავრობა ეკონომიკის ანტიკრიზისულ გეგმასთან ერთად, შეზღუდვების შემსუბუქების გეგმასაც განიხილავს

პრემიერ-მინისტრის, პრესსპიკერის ირაკლი ჩიქოვანის განცხადებით 24 აპრილს ეკონომიკის ანტი კრიზისულ გეგმასთან ერთად შეზღუდვების ეტაპობრივ შემსუბუქების გეგმასაც განიხილავენ.

მან აღნიშნა, რომ რაც უფრო სწრაფად მოხდება შეზღუდვების ზედმიწევნით და ზუსტად დაცვა, მით უფრო სწრაფად მოხდება შეზღუდვების შემსუბუქება. 

"ამასთან პარასკევს იქნება შზღუდვების თანმიმდევრული, ეტაპობრივი შემსუბუქების გეგმა და შესაბამისად ეკონომიკის გახსნის გეგმა. უნდა აღინიშნოს, რომ აქტიურად გაგრძელდება უკვე პოსტ კრიზისულ გეგმაზე მუშაობა. ჩვენს მოქალაქეებს მინდა ვუთხრათ, რომ რაც უფრო ზედმიწევნით და ზუსტად აღსრულდება ყველა ის შეზღუდვა, რაც არის დაწესებული მით უფრო სწრავფად გახდება შესაძლებელი, შემსუბუქების გეგმის განხორციელება რომელიც მთავრობამ შეიმუშავა. თითოეული მოქალაქე, ამ საკითხს უდიდესი პასუხისმგებოლობით უდან მოეკიდოს, გვესმის რთულია, მაგრამ ამ პერიოდის განმავლობაში, რაც უფრო ზუსტად იქნება დაცული ეს შეზღუდვები, მით უფრო მალე დავბრუნდებით ცხოვრების ჩვეულ რეჟმს, ამიტომ გავუფრთხილდეთ საკუთარ თავს და ჩვენი ქვეყნის მომავალს", - განაცხადა ირაკლი ჩიქოვანმა.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი