ჯანდაცვის მინისტრის პირველი მოადგილის, თამარ გაბუნიას განცხადებით, კომპანიამ, რომელთანაც ტესტების შესყიდვაზე საქართველოს შეთანხმება ჰქონდა მიღწეული, ქვეყანას თავად შეატყობინა, რომ მათი ზოგიერთი ტესტი წუნდებული აღმოჩნდა.

მისივე თქმით, აღნიშნულ კომპანიასთან გაფორმებული ხელშეკრულება ანულირებულია

„იმ კომპანიასთან, რომელთანაც გვქონდა მოლაპარაკებები, მსგავსი ტიპის მოლაპარაკებებში იმყოფებოდა ევროპის სხვა ქვეყნებთან და მან თავად შეგვატყობინა, რომ ზოგიერთი მისი ტესტი აღმოჩნდა წუნდებული, რის გამოც პარტიები მთლიანად გაჩერდა. ჩვენ ეს ინფორმაცია მივიღეთ მანამდე, ვიდრე ეს ტესტი ქვეყანაში შემოვიდოდა. ამდენად, ეს ხელშეკრულება არის მთლიანად ანულირებული და ამ კომპანიასთან თანამშრომლობას აღარ ვაგრძელებთ. არის ალტერნატიული კომპანიები, რომლებიც ემყარება სხვადასხვა სარწმუნო შეფასებას მათი რეპუტაციის და შესაძლებლობების შესახებ. ეს კომპანიები დღეს იმ გამოცდილებიდან გამომდინარე, რაც ყველასთვის ცნობილია, როგორც ჩინეთში, ასევე ევროპის ქვეყნებში წუნდებულ ტესტებთან მიმართებაში გვთავაზობს მცირე რაოდენობის ტესტების წინასწარ შემოტანას ქვეყანაში იმისთვის, რომ მოხდეს ტესტის ვალიდურობის შეფასება“, - განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე