დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, საქართველოში შემოტანილი კორონავირუსული შემთხვევების გეოგრაფია საკმაოდ გაფართოვდა.

მისი თქმით, ქვეყანაში ფიქსირდება თურქეთიდან შემოტანილი კორონავირუსული შემთხვევები.

„ინფიცირებულთა მდგომარეობას რაც შეეხება, განსაკუთრებული მეთვალყურეობის ქვეშ არის ერთი ქალბატონი , რომელიც მარნეულიდანაა. კიდევ არის რამდენიმე საყურადღებო ავადმყოფი, დანარჩენების მდგომარეობა არის დამაკმაყოფილებელი და ემზადება კიდევ რამდენიმე პაციენტი გაწერისათვის. გარდა ამისა, ძალიან მნიშვნელოვანია ის, რომ არც ერთი დამატებული შემთხვევიდან არ არის ახალი კლასტერები. 4 ადამიანი არის მარნეულის ოჯახის წევრები იმ ქალბატონის, რომელიც არის ამჟამად ჰოსპიტალიზირებული თბილისში. მისი ოჯახის წევრები არიან ძალიან ახლო და მჭიდრო კონტაქტები. გამოკვლეული იქნა ასევე მარნეულში სხვა პაციენტები, რომლებიც იმ საავადმყოფოში იყვნენ სადაც ეს ქალბატონი იწვა მარნეულში, ჯეო ჰოსპიტალში. ასევე, გამოკვლეულია ჯეო ჰოსპიტალის პერსონალი. ტესტირების შედეგად ყველა მათგანის პასუხი უარყოფითია. უკვე ფიქსირდება ახალი ქვეყანა და ფიქსირდება თურქეთიდან შემოტანილი შემთხვევები, დაემატა შეერთებული შტატებიდან შემოტანილ კლასტერში შემთხვევები. ისევ და ისევ შემოსული და ერთიც ოჯახის წევრზე გადაცემა. შემოტანილი შემთხვევების გეოგრაფია საკმაოდ გაფართოვდა. ჯერჯერობით ყველა კონტროლის ქვეშაა“, - განაცხადა პაატა იმნაძე.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი