კოჯორში დავით აღმაშენებლის სახელობის ეროვნული თავდაცვის აკადემიის უმცროს ოფიცერთა სკოლის ქვეით ოფიცერთა მომზადების კურსი მიმდინარეობს.

თავდაცვის სამინისტროს ინფორმაციით, 33 მსმენელი დასკვნით საველე სიტუაციურ ამოცანებს ასრულებს. კურსანტები ამჯერად აერომობილურ მომზადებას გადიან. მომავალი ოცეულის მეთაურები ვერტმფრენში ჩასხდომას, დესანტირებას, დაშავებულის ევაკუაციას და სხვა დავალებებს ასრულებენ.

საველე წვრთნები 6 დღის განმავლობაში გაგრძელდება. მსმენელები სხვადასხვა ტაქტიკურ, საინჟინრო და ტოპოგრაფიულ ამოცანებს შეასრულებენ. კურსანტების მზადყოფნა აკადემიის ინსტრუქტორების მიერ საბრძოლო მომზადების დაგეგმვისა და შეფასების პროგრამის მიხედვით მოწმდება.

ეროვნული თავდაცვის აკადემიის მსმენელებს უკვე გავლილი აქვთ უმცროს ოფიცერთა მომზადების 6-თვიანი საკანდიდატო კურსი. ქვეით ოფიცერთა მომზადება 2 თებერვალს დაიწყო და 20 აგვისტოს დასრულდება. კურსის გავლის შემდეგ ახალგაზრდა ოფიცრები სხვადასხვა ქვედანაყოფებში გადანაწილდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი