საქართველოს შეიარაღებული ძალების გენერალური შტაბის უფროსის პირველმა მოადგილემ ბრიგადის გენერალმა ვლადიმერ ჩაჩიბაიამ თავდაცვის სფეროში თანამშრომლობის ოფისის (ODC) უფროსის მოადგილე მაიორი ვინსენტ მუკერი მედლით „გენერალი კვინიტაძე“ დააჯილდოვა.

თავდაცვის სამინისტროს ინფორმაციით, მან ამერიკელ სამხედრო მოსამსახურეს საქართველოს დროშაც გადასცა, რომელიც ქართულ-ამერიკული სამხედრო სწავლების - „ღირსეული პარტნიორის“ ფარგლებში ვაზიანის IV მექანიზირებული ბრიგადის ბაზაზე ფრიალებდა.

გენერალური შტაბის უფროსის მოადგილემ მაიორ ვინსენტ მუკერს საქართველოს თავდაცვისუნარიანობის ამაღლების საქმეში შეტანილი წვლილისთვის მადლობა გადაუხადა და წარმატებები უსურვა.

დაჯილდოების ცერემონიალს გენერალური შტაბისა და ODC-ის წარმომადგენლები დაესწრნენ. მაიორმა ვინსენტ მუკერმა საქართველოში თავდაცვის სფეროში თანამშრომლობის ოფისის უფროსის მოადგილის პოზიციაზე მუშაობა დაასრულა. ის საქართველოში 2013 წლის აგვისტოდან მოღვაწეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს