საქართველოს თავდაცვის მინისტრი თინათინ ხიდაშელი ჩეხეთის რესპუბლიკის თავდაცვის მინისტრს მარტინ სტროპნიცკის შეხვდა.

თავდაცვის სამინისტროს ინფორმაციით, ოფიციალურ შეხვედრაზე ჩეხეთის თავდაცვის მინისტრმა ქართველ კოლეგას კიდევ ერთხელ დაუდასტურა ჩეხეთის მხარდაჭერა საქართველოს ევროპული და ევროატლანტიკური ინტეგრაციის გზაზე.

„განსაკუთრებული ყურადღება გამახვილდა ვარშავაში დაგეგმილ ნატოს სამიტსა და საქართველოს ნატოსა და ევროკავშირთან ურთიერთობის აქტუალურ საკითხებზე. საუბარი შეეხო საქართველოს ოკუპირებულ ტერიტორიებზე არსებულ მდგომარეობას. ჩეხმა კოლეგამ კიდევ ერთხეულ დაადასტურა ჩეხეთის ურყევი პოზიცია საქართველოს ტერიტორიული მთლიანობის მიმართ. ოფიციალური შეხვედრის შემდეგ ჩეხეთის რესპუბლიკის თავდაცვის სამინისტროში ორი ქვეყნის თავდაცვის უწყების ხელმძღვანელებმა ერთობლივი პრესკონფერენცია გამართეს“, - აცხადებენ სამინისტროში.

ჩეხეთისა და საქართველოს თავდაცვის მინისტრების ოფიციალურ შეხვედრას ჩეხეთის თავდაცვის სამინისტროს მაღალჩინოსნებთან ერთად საქართველოს თავდაცვის მინისტრის პირველი მოადგილე დავით ებრალიძე და დელეგაციის სხვა წარმომადგენლები ესწრებოდნენ. ოფიციალური შეხვედრის შემდეგ სპეციალურად სტუმრებისთვის სადილი გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში