17:56 - 27 May, 2026
ჩვენ შესახებ რეკლამა/ხელმოწერა
2015-06-27 09:39:40, 552 ნახვა

საზოგადოება
მიგრაციის დეპარტამენტის თანამშრომლებმა ტრენინგი „მიგრანტთა განთავსების ცენტრის ეფექტური მართვა“ გაიარეს

შინაგან საქმეთა სამინისტროს მიგრაციის დეპარტამენტში ტრენინგი თემაზე - „მიგრანტთა განთავსების ცენტრის ეფექტური მართვა“ დასრულდა.

შსს-ს ინფორმაციით, სწავლება მიგრაციის დეპარტამენტის ინიციატივითა და „მიგრაციის საერთაშორისო ორგანიზაციის“ ორგანიზებით ჩატარდა.

ტრენინგი მიგრაციის დეპარტამენტის თანამშრომლებისთვის 5 დღის განმავლობაში მიმდინარეობდა და მას ნიდერლანდების უსაფრთხოებისა და იუსტიციის სამინისტროს ექსპერტი გრეგ პიდაკოსი უძღვებოდა. სწავლების დროს განიხილეს მიგრანტთა დროებითი განთავსების ცენტრში სამედიცინო მომსახურების, საგანგებო სიტუაციების მართვის, კომუნიკაციის და სხვა საკითხები.

კურსდამთავრებულებს შესაბამისი სერტიფიკატები მიგრაციის საერთაშორისო ორგანიზაციის საქართველოს მისიის წარმომადგენელმა მარკ ჰულსტიმ გადასცა და წარმატებები უსურვა მათ. სერთიფიკატების გადაცემის ცერემონიას მიგრაციის დეპარტამენტის დირექტორი ზაზა ფანცულაია, დეპარტამენტის თანამშრომლები და მიგრაციის საერთაშორისო ორგანიზაციის საქართველოს მისიის წარმომადგენელი დაესწრნენ.

ტრენინგი ევროკავშირის მიერ დაფინანსებული პროექტის „საქართველოს მთავრობის შესაძლებლობების გაძლიერება საზღვრის და მიგრაციის მართვის სფეროში“ ფარგლებში ჩატარდა. სწავლების მიზანს გამოცდილების გაზიარება და უკანონო მიგრაციის წინააღმდეგ ბრძოლის სფეროში კვალიფიკაციის ამაღლება წარმოადგენდა.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
სასამართლომ გიგა ავალიანის საქმეზე ბრალდებულები დამნაშავედ ცნო, სასჯელს 2 ივნისს გამოცხადდება
15 წლის მოზარდი, რომელსაც თბილისში ეძებდნენ, გარდაცვლილი იპოვეს
უკრაინამ სევასტოპოლსა და რუსეთის რამდენიმე რეგიონზე სარაკეტო და დრონებით იერიში მიიტანა
ვიდეოს გავრცელების შემდეგ, პროკურატურამ პოლიციელთა სავარაუდო ძალადობაზე გამოძიება დაიწყო
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics