2015-06-23 13:12:20, 498 ნახვა

---

პაატა ზაქარეიშვილის მტკიცებით, აფხაზეთის გავლით სომხეთთან სარკინიგზო მიმოსვლის აღდგენაზე საუბარი არ არის

შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის მტკიცებით, მოსკოვი-სოხუმი-თბილისი-ერევნის სარკინიგზო მიმოსვლის აღდგენაზე საუბარი არ მიმდინარეობს.

ამის შესახებ მან, ჟურნალისტებს მთავრობის ადმინისტრაციაში განუცხადა.

„არავითარი საუბარი არ არის, არაფერი არ ხდება.. როგორც თბილის-მთვარეს შორის მიმდინარეობს რკინიგზაზე მუშაობა, ისე მიმდინარეობს მუშაობა ამ რკინიგზაზე. გრიგორი კარასინი არ არის ჩვენი სახელმწიფოს მოქალაქე და რატომ გვიქმნის ეს ადამიანი დღის წესრიგს, არ მესმის. მართლა არაფერი არ ხდება. მე მომხრე ვიქნებოდი, რომ რომ რაღაც ინფრასტრუქტურული პროექტები განხილული იყოს, მაგრამ არაფერი არ ხდება. თუმცა, ქვეყანაში რაც უფრო მეტი რკინიგზა, ხიდი და გვირაბია, მით უფრო მდიდარია სახელმწიფო“, - აღნიშნა ზაქარეიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი