საქართველოს თავდაცვის სამინისტროს ბიუჯეტი დაახლოებით 5 მილიონი ლარით შემცირდება.

ამის შესახებ თავდაცვის მინისტრის პირველმა მოადგილე დავით ებრალიძემ ჟურნალისტებს განუცხადა.

მისივე თქმით, 5 მილიონი ლარი მიმდინარე ხარჯებს დააკლდება და ის კაპიტალურ ხარჯებს არ შეეხება.

„დაახლოებით 5 მილიონი ლარით შემცირდება, რომელიც მიმდინარე ხარჯებს დააკლდება. კონკრეტულად რა ხარჯია, ამ ეტაპზე ვერ დავკონკრეტდებით. ყველა კაპიტალური ხარჯი რაც გვაქვს , ის გაგრძელდება თავისი ტემპით“,-განაცხადა დავით ებრალიძემ.

მთავრობის დღევანდელ სხდომაზე ფინანსთა მინისტრმა კორექტირებული ბიუჯეტის საბოლოო ვარიანტი წარადგინა. ბიუჯეტი, მიმდინარე ხარჯების მიმართულებით, დაახლოებით 140 მილიონი ლარით მცირდება, თუმცა ეს კაპიტალურ და სოციალურ ხარჯებს არ შეეხება. თანხის დიდი ნაწილი მიმართული იქნება კაპიტალური პროექტების განხორციელებისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა