2015-06-17 14:28:51, 413 ნახვა

---

გომელაურის ინფორმაციით, სამართალდამცველებმა ვეფხვის დაძინება სცადეს, თუმცა ეს ვერ მოხერხდა და მისი ლიკვიდაცია გახდა საჭირო

შინაგან საქმეთა მინისტრი ვახტანგ გომელაური ადასტურებს, რომ თეთრი ვეფხვი ლიკვიდირებულია.

როგორც მინისტრმა აღნიშნა, სამართალდამცველებმა ვეფხვის დაძინება სცადეს, თუმცა ცხოველი აგრესიული იყო, რის გამოც მისი ლიკვიდაცია გახდა საჭირო.

„ტერიტორიას სამი ადამიანი ალაგებდა. მათგან ერთერთს ვეფხვი თავს დაესხა, ორმა კი გამოასწრო. სამართალდამცეველბმა მისი დაძინება სცადეს, თუმცა ვეფხვი აგრესიული იყო და, შესაბამისად, მისი ლიკვიდაცია გახდა საჭირო“,- აღნიშნა შს მინისტრმა.

ცნობისთვის, ლაგუნა ვერეს მიმდებარედ არსებულ საწყობში თეთრმა ვეფხვმა 45 წლამდე ასაკის მამაკაცი დაგლიჯა. როგორც თვითმხილველები აცხადებენ, მამაკაცს ვეფხვმა დაზიანებები კისრის არეში მიაყენა, რის გამოც მისი გადარჩენა ვერ მოხერხდა.

ადგილზე სამართალდაცველები მუშაობენ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი