აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე საქართველო-თურქეთის სასაზღვრო-გამშვებ პუნქტს ეწვია, სადაც თურქეთის სავაჭრო პალატებისა და ბირჟების გაერთიანების თავმჯდომარეს რიფათ ჰისარჯიკლიოღლუს შეხვდა და მასთან ერთად თურქული მხარის მიერ საბაჟოზე მიმდინარე სარეაბილიტაციო სამუშაოები ადგილზე დაათვალიერა.

აჭარის მთავრობის თავმჯდომარესთან ერთად, თურქულ მხარესთან გამართულ შეხვედრას ბათუმში თურქეთის გენერალური კონსული მაქბულე ქოჩაკი ესწრებოდა.

თორნიკე რიჟვაძე რიფათ ჰისარჯიკლიოღლუსთან ერთად სპეციალურად მომზადებულ პრეზენტაციას დაესწრო და აღნიშნული სამუშაოების შესახებ ინფორმაცია უშუალოდ ხელმძღვანელი პირებისგან მოისმინა. როგორც თურქეთის სასაზღვრო-გამშვები პუნქტის სარეაბილიტაციო სამუშაოების პასუხისმგებელი პირები აცხადებენ, ოქტომბრის ბოლოდან საბაჟო პუნქტი განახლებული სახით დაიწყებს ფუნქციონირებას.

რეაბილიტირებული სასაზღვრო-გამშვები პუნქტი ხელს შეუწყობს ორ ქვეყანას შორის მიმოსვლისას მომსახურების ხარისხის და გამტარუნარიანობის გაზრდას.

(NS)

ავტორი: ,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა