სტეფანწმინდაში, მყინვარწვერზე 3600 მეტრ სიმაღლეზე დაზიანებული ალპინისტების ევაკუაციის განსახორციელებლად 08:00 საათიდან სამაშველო ღონისძიება განახლდა.

საგანგებო სიტუაციების მართვის სამსახურის ინფორმაციით, მეტეოსადგურიდან ვერტმრენით ორი მოქალაქე ჩამოიყვანეს. მათ სიცოცხლეს საფრთხე არ ემუქრება.

რაც შეეხება ბელგიის გარდაცვლილ მოქალაქეს, სამსახურის ცნობით, იგი 4900 მეტრის სიმაღლიდან უკვე გადმოასვენეს.

შეგახსენებთ,  4 მთამსვლელი, მათ შორის, უცხო ქვეყნის 2 და საქართველოს 2 მოქალაქე გუშინ მყინვარწვერ „ყაზბეგზე“ იმყოფებოდნენ. უცხო ქვეყნის ერთ-ერთ მოქალაქეს, სავარაუდოდ, ფეხი დაუცურდა და სხეულის დაზიანება მიიღო. მიღებული დაზიანებების შედეგად, იგი გარდაიცვალა. ვერტმფრენმა რთული მეტეოროლოგიური პირობების გამო, რამდენიმე ცდის მიუხედავად, გუშინ შემთხვევის ადგილზე დაშვება ვერ მოახერხა.

ავტორი: ,

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა