„იყიდეთ ისეთი იარაღი, რომ რუსეთისთვის მოუნელებელი ლუკმა გახდეთ“- ამის შესახებ, გენერალ-ლეიტენანტმა ბენ ჰოჯესმა, „ამერიკის ხმასთან" ინტერვიუში განაცხადა. 

მისი თქმით, საქართველოს მიმართ მხარდაჭერა აქტიურად გრძელდება როგორც ნატოს, ასე ამერიკის შეერთებული შტატების მხრიდან.  

"ჯერ ერთი, ყველამ უნდა დაინახოს, რომ ჩვენ საქართველოს გვერდში ვუდგავართ და რომ მზად ვართ ასეთი მოქმედებისთვის, თუ ამის საჭიროება ოდესმე შეიქმნა. ასევე გვინდოდა იმის გარკვევა, თუ რა დრო დასჭირდებოდა გარკვეულ მოქმედებებს,”- განაცხადა გენერალმა.

მისი აზრით, საქართველოს ზომისა და გეოგრაფიული მდგომარეობიდან გამომდინარე,  უკიდურესად მნიშვნელოვანია ქვეყანას თავდაცვის სწორი კონცეფცია ჰქონდეს. 

„საქართველოს საჰაერო ძალების ან შეიარაღების დიდი სისტემების ქონა - რომლის შენახვაც ქვეყანას გაუჭირდება - არ სჭირდება. ამის ნაცვლად, მან უნდა იფიქროს იმაზე, რომ თავის დაცვა შეძლოს იქამდე, სანამ მეგობრები დასახმარებლად ჩავლენ”,- განაცხადა ჰოჯესმა. 

გენერალმა საქართველოს თავდაცვის კონცეფციაზეც ისაუბრა და აღნიშნა რომ  რუსეთის შესძლო თავდასხმის გამორიცხვა არ შეიძლება.

“შარშან საქართველოსთან ბევრი ვიმუშავეთ იმაზე, თუ როგორი რეაქცია უნდა ჰქონდეს ქვეყანას რუსეთის შესაძლო თავდასხვამზე - და მოგეხსენებათ ამის გამორიცხვა არ შეიძლება. როგორ შეიძლება ლანდშაფტის, იარაღის სისტემების, წინაღობების, ნაღმების და მსგავსი მეთოდების გამოყენება იმისთვის, რომ [რუსეთს] საკმარისი ტკივილი მიადგეს და საქართველო მისთვის მოუნელებელი ლუკმა იყოს“,- განაცხადა ჰოჯესმა. 

ავტორი: ,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის